316               TESTAMENTS ENREGISTRES AU PARLEMENT DE PARIS            (556)
Item, à l'euvre et fabrique de la dicte eglise Saint Jaques huit livres Parisis.
Item, il laissa à chascun convent des quatre ordres Mendians à Paris, c'est assavoir, Augustins, Cordeliers, Carmes et Jacobins, pour dire vigiles, soixante quatre solz Parisis, qui font en somme douze livres seze solz Parisis.
Item, à l'Ostel Dieu de Paris huit livres Parisis.
Item, à l'euvre de l'eglise des Quinze Vins à Paris huit livres Parisis.
Item, à l'eglise du Saint Esperit en Greve à Paris soixante quatre solz Parisis.
Item, à l'eglise des religieux Chartreux lez Paris huit livres Parisis.
Item, à l'eglise des Bons Enfans lez la porte Saint Victor à Paris soixante quatre solz Parisis.
Item, aux enfans d'icelle eglise, pour dire vigiles, trente deux solz Parisis.
Item, à la chapelle du Voult de Luques, en l'eglise du Sepulcre à Paris, à emploier ainsi comme bon semblera à ses diz executeurs et heritiers, seze livres Parisis.
Item, il laissa à l'eglise de l'Ospital de la Misericorde à Luques qua­rante livres Parisis.
Item, à l'eglise des Chartreux lez Luques seze livres Parisis.
Item, il voult et ordonna estre dictes et célébrées trente messes que on nomme les messes Saint Grigoire à Paris, et pour ce il laissa et voult estre paié quatre livres seze solz Parisis.
Item, il voult et ordonna estre dictes et célébrées à Paris, en teles eglises et par telz prestres qu'il plaira à ses diz heritiers et executeurs, mil messes de Mors pour le salut et remede de son ame et des benois Trespassez, et pour ce faire il laissa cent livres Parisis.
Item, il voult et ordonna un pelerinage estre fait de Paris à Saint Jaques en Galice par un homme à cheval, et pour ce il laissa quarante livres Parisis.
Item, il voult un autre pelerinage estre fait de Paris à Rome par un homme à cheval, et pour ce il laissa quarante livres Parisis.